【阿根廷傳奇球星】戰神:巴迪斯圖達


分享 :

現代足球重炮射手買少見少,頭先睇多蒙特大戰曼城,睇見夏蘭特(Haaland)其中一球埋門,隱約令我想起當年「巴迪高」嘅影子…

( 本文下方有巴迪斯圖達入球精華 )

巴迪斯圖達(Batistuta),1969 年 2 月出世,阿根廷傳奇球星,司職前鋒,當年以「Power9」重炮射門力大無窮而聞名,巴迪斯圖達曾經係阿根廷國家隊入波數最多嘅球員(後來被美斯超越),亦係唯一一名可以喺兩屆世界盃都上演「帽子戲法」,喺單場比賽中射入三球嘅球員,球迷都稱佢為《戰神》、又稱《巴迪高》。

巴迪斯圖達 – 圖片來源 : golazoargentino.com

叫《巴迪高》唔係因為佢生得高,而係因為巴迪斯圖達經常一攞波,足球旁述仲未嚟得切讀完哂佢個名,佢已經將個波射咗入龍門~

Bati… GOALLLLLLLLLLLL… !!!


熱門推介

▼ 一齊嚟欣賞當年巴迪高嘅射門

影片來源 : YouTube @Gabriel Batistuta
https://www.youtube.com/watch?v=x5TcEZXuHb4

回憶,總係令人津津樂道 … 1992 年,當時巴迪斯圖達效力意甲球會費倫天拿,球隊一季內竟三度換帥,令球員無所適從,最終聯賽排名更以「尾三」收場宣告降班… 一眾球星隊友均相繼「跳船」轉會,但巴迪斯圖達拋下一句「由嚟到嘅一刻,我已經決定要成為球會歷史嘅一部份」,宣佈留隊出戰意乙。此舉贏得唔少足球球迷嘅歡心,至今仍然受到佛羅倫斯市民同阿根廷人民嘅尊重。

最後巴迪高只係用咗一季時間就帶領費倫天拿重返意甲,仲做埋球隊隊長。重返意甲之後,開季連續 11 場都取得入球,刷新意甲開季入球紀錄,季尾榮膺意甲神射手!

足球球衣
巴迪高 – 圖片來源 : www.planetfootball.com
Superfans.com.hk

分享 :


英超、西甲等足球聯賽 2023/24 新一季球衣現已登場!
英超、西甲等足球聯賽 2023/24 新一季球衣現已登場!
previous arrow
next arrow
 
Shadow
注意 : 本網站是以實時上傳文章的方式運作,本站對所有文章的真實性、完整性及立場等,不負任何法律責任。而一切文章內容均只代表發文者個人意見,而並非本網站之立場,用戶不應信賴內容,並應自行判斷內容之真實性。發文者擁有在本站張貼的文章。由於本站是受到「實時發表」運作方式所規限,故不能完全監查所有即時文章,若讀者發現資訊出現問題,請聯絡我們。本站有權刪除任何內容及拒絕任何人士發文,切勿撰寫粗言穢語、毀謗、渲染色情暴力或人身攻擊的言論,敬請自律。